"Sevilya" himoyachisi Aleks Telles Chempionlar ligasi guruh bosqichi 3-turi doirasida Dortmundning "Borussiya" jamoasiga qarshi o‘z uyidagi yirik hisobdagi mag‘lubiyatdan so‘ng intervyu berdi. Andalusiyaliklar o‘z maydonida 1:4 hisobida mag‘lub bo‘lishdi.
“Jamoa qiyin kunlarni boshidan kechirmoqda. Biz bu natijadan qoniqish hosil qila olmaymiz. Bu hech kimga yoqmaydi, garchi barcha o‘yinchilar g‘alaba qozonish uchun astoydil harakat qilsalar ham. Biz mas’uliyatimizni tushunamiz. Bizga bu vaziyatdan chiqishga faqat ahil jamoa yordam beradi", - deya xabar beradi UEFA matbuot xizmati Aleksning so‘zlaridan.
Uchta o‘yindan keyin “Sevilya” bir ochko bilan guruhda uchinchi, “Borussiya” esa ikkinchi o‘rinda bormoqda.
