"Roma" bosh murabbiyi Joze Mourinyo hujumchi Paulo Dibalani dunyoning eng yaxshi futbolchilaridan biri deb hisoblaydi.
“U juda yaxshi ish qiladi. Paulo jamoadoshlarini juda yaxshi biladi. Men uchun Dibala dunyoning eng yaxshi futbolchilaridan biri.
U "Roma" uchun eng muhim futbolchi bo‘lish mas’uliyatini o‘z zimmasiga oldi. U buyuk futbolchilardagi kabi xotirjamlikka ega", - deya Mourinyoning so‘zlarini keltiradi Fox Sports.
Ushbu mavsum oralig‘ida Dibala rimliklar bilan 3 yillik shartnoma imzoladi.
28 yoshli argentinalik futbolchi joriy mavsumda “Roma” safida 9 ta o‘yinda maydonga tushib, 5 ta gol urdi va 2 ta golli uzatmani amalga oshirdi.
