O‘zbekiston Superligasi 21-tur doirasidan o‘rin olgan “Qo‘qon-1912” – “Lokomotiv” uchrashuvi 8 oktyabr kuni Yaypan shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

O‘zaro o‘yinlar
Ushbu jamoalar shu paytga qadar chempionat doirasida 15 marta to‘qnash kelishgan. “Lokomotiv” o‘yinlarning 6 tasida zafar quchgan, 5 ta bahsda durang qayd etilgan, to‘rttta uchrashuvda qo‘qonliklarning qo‘li baland kelgan.

To‘plar nisbati – 24-16, “Loko” foydasiga. O‘zaro o‘yinlarda “Temiryo‘lchilar” 23 ochkoni qo‘lga kiritishgan. “Qo‘qon-1912” ochkosi 17 tani tashkil etadi.

Jamoalarning so‘nggi to‘qkizta uchrashuvida qayd etilgan natijalar:

11.05.2022. “Lokomotiv” – “Qo‘qon-1912”  1-2
23.10.2021. “Qo‘qon-1912”- “Lokomotiv” 2-1
20.06. 2021. Lokomotiv – Qo‘qon-1912 – 0:1
25.11.2020. Qo‘qon-1912 – Lokomotiv – 0:1
21.08.2020. Lokomotiv – Qo‘qon-1912 – 1:2
20.09.2019. Qo‘qon-1912 – Lokomotiv – 1:1
02.05.2019. Lokomotiv – Qo‘qon-1912 – 2:2
09.07.2018. Qo‘qon-1912 – Lokomotiv – 1:2
07.04.2018. Lokomotiv – Qo‘qon-1912 – 1:1

Hakamlar
8 oktyabr kuni bo‘lib o‘tadigan “Qo‘qon-1912” hamda “Lokomotiv” jamoalari o‘rtasidagi bahsni FIFA hakami Akobirxo‘ja Shukrullayev boshqarib boradigan bo‘ldi. Shukrullayev joriy mavsumda shu kungacha O‘zbekiston kubogi hamda superliga doirasida bo‘lib o‘tgan 18 ta uchrashuvda bosh hakam bo‘lib ishladi. Mavsum boshida bo‘lib o‘tgan O‘zbekiston superkubogi uchun bo‘lib o‘tgan bashni ham Shukrullayev boshqarib borgan edi. 2022 yildagi barcha boshqargan o‘yinlarida Shukrullayev 77 ta sariq va 2ta qizil kartochka ko‘rsatgan. Darvozalarga esa 10 marta penalti belgilagan.

8 oktyabr, shanba
QO‘QON-1912 — LOKOMOTIV
Yaypan. “O‘zbekiston” stadioni. 17:00
Hakamlar: Akobir Shukurullayev, Aleksandr Sidorov, Olim Abduvasilov, Xushnud Suyunboyev
VAR hakami: Rahimbek Karimov
AVAR hakami: Baxtiyorxo‘ja Shavkatov
Nazoratchi: Baxtiyor Tagayev
Komissar: Zohirjon Akramxonov

Boshlanish vaqtlari
“Qo‘qon-1912” – “Lokomotiv” uchrashuvi ertaga 8 oktyabr, shanba kuni Yaypandagi “O‘zbekiston” stadionida, soat 17:00da boshlanadi. Bu jamoalarning o‘rinbosarlari o‘rtasidagi o‘yin esa, 9 oktyabr kuni Qo‘qondagi 2-BO‘SMga qarashli stadionda, soat 15:30da boshlanadi.

FAKT: “Qo‘qon-1912” jamoasi “Lokomotiv”ga qarshi o‘tkazgan so‘nggi 9 ta o‘yinida faqat 1 marta mag‘lub bo‘lgan xolos. 3 ta bahsda kuchlar teng kelgan bo‘lsa, 5 o‘yinda “shunqorlar” g‘alaba qozonishgan!