The Telegraph nashrining tarqatgan xabariga qaraganda, yaqin orada "Bornmut" klubining egalik huquqi o‘zgaradi. Amerikalik biznesmen Bill Fouli yangi rahbarga aylanadi. Milliarder 2011 yildan beri "Bornmut"ga egalik qilib kelayotgan rossiyalik Maksim Dyomindan ingliz klubidagi ulushini sotib oladi.
Angliya Premyer-ligasining bu mavsumida jamoa sakkizta o‘yin o‘tkazib, to‘qqiz ochko jamg‘argan. "Bornmut" turnir jadvalida 13-o‘rinni egallab turibdi. Jamoa navbatdagi o‘yinini o‘z stadionida "Lester"ga qarshi o‘tkazadi. O‘yin 8 oktyabr, shanba kuni bo‘lib o‘tadi.
