"Manchester Yunayted" portugaliyalik hujumchi Krishtianu Ronaldu qishki transfer oynasida jamoani tark etmasligiga ishonch bildirmoqda, deb xabar beradi ESPN.
Manba bergan xabarga ko‘ra, ingliz klubi unga boshqa klublar tomonidan qiziqishning yo‘qligi hujumchining ketishi uchun muammo bo‘ladi, deb hisoblamoqda. O‘tgan yozda portugaliyalik Chempionlar ligasida ishtirok etuvchi klubga o‘tmoqchi bo‘lgan, biroq faqat Saudiya Arabistonidan taklif olgandi.
37 yoshli Ronaldu joriy mavsumda “Manchester Yunayted” va Portugaliya terma jamoasi safida 11 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.
