"Манчестер Юнайтед" португалиялик ҳужумчи Криштиану Роналду қишки трансфер ойнасида жамоани тарк этмаслигига ишонч билдирмоқда, деб хабар беради ESPN.
Манба берган хабарга кўра, инглиз клуби унга бошқа клублар томонидан қизиқишнинг йўқлиги ҳужумчининг кетиши учун муаммо бўлади, деб ҳисобламоқда. Ўтган ёзда португалиялик Чемпионлар лигасида иштирок этувчи клубга ўтмоқчи бўлган, бироқ фақат Саудия Арабистонидан таклиф олганди.
37 ёшли Роналду жорий мавсумда “Манчестер Юнайтед” ва Португалия терма жамоаси сафида 11 та ўйинда майдонга тушиб, 1 та гол урди ва 2 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
