"Liverpul" bosh murabbiyi Yurgen Klopp yozgi yangi futbolchi Darvin Nunyesning o‘yini haqida fikr bildirdi.
Urugvaylik hujumchi sakkiz uchrashuvda ikkita gol urdi.
"Menimcha, u o‘zini o‘zi bosim ostiga qo‘ydi. Darvin tinchlanishi kerak, chunki u mashg‘ulotlarda juda yaxshi mehnat qiladi.
Ammo rasmiy o‘yinlarda u biroz shoshiladi, u shunchaki xotirjam bo‘lishi va mahoratidan samaraliroq foydalanishi kerak. Boshqa hech narsani o‘zgartirish kerak emas", - dedi Klopp.
"Liverpul" hujumchini "Benfika"dan 75 million yevroga sotib olgandi.
Yana 25 million turli xil bonuslar bitimga kiritilgan.
Nunyesning xaridi "mersisaydliklar"ning rekord transferlar ro‘yxatida 2-o‘rinda turadi.
