Superliga 21-turidan o‘rin olgan “Olimpik” – “Neftchi” (1:1) bahsidan so‘ng mezbonlar murabbiyi Timur Kapadze jamoasining bugungi o‘yinidan pozitiv kayfiyat olgani, jamoadagi moliyaviy holat va jamoaning darvozabonlari haqida fikr bildirdi.
“Bu ketishda durang o‘ynash bo‘yicha rekord qo‘ysak kerak. Vaziyatlardan gol urish borasida oqsayapmiz holos. Umuman olganda 5 nafar himoyachi bilan o‘ynaydigan jamoa himoyasini yorib kirish qiyin. Ammo, shunday bo‘lsada imkoniyatlarimiz bo‘ldi va bu meni hursand qilmoqda. Jamoaning bugungi o‘yinidan pozitiv kayfiyat oldim”, - dedi Kapadze.
“Moliyaviy tomondan hozirda barchada muammo bor deyish mumkin. Ammo, bu yoshda bu kabi narsalarni o‘ylamaslik kerak va buni yigitlarga tushuntirayapman”.
“Jamoadagi darvozabonlar haqidagi savolga kelsak, ularning barchasi men uchun bir xil saviyadagi darvozabonlar. Barchasiga imkoniyat berishga harakat qilayapmiz. Umuman olganda, himoyachilarimiz ularga ish qoldirishmayapti, ammo baribir bitta gol o‘tkazib yuborayapmiz. Buning sabablari ustida ham ishlaymiz, albatta. Bugungidek kuchli, yaxshi himoyalana oladigan jamoalar ko‘p. Ularga qarshi jamoamiz yaxshiroq o‘ynayapti va meni hursand qilayotgan jihat shudir”.
