"Manchester Siti" bosh murabbiyi Xosep Gvardiola APLning 10-turidan o‘rin olgan "Sautgempton"ga (4:0) qarshi o‘yinni sarhisob qildi.

“Yaxshi natija, biz juda yaxshi o‘ynayapmiz. Biz ularning yuqori bosimini yengish uchun kurashdik. O‘tgan mavsumda biz bu raqibga qarshi juda ko‘p qiynalgan bo‘lsak, bugun ancha yaxshi o‘ynadik.

Ba’zi futbolchilar yaxshi formada emas edi, lekin biz ko‘plab vaziyatlar yaratdik. Bu yaxshi o‘yin bo‘ldi.

Fil Foden anchadan buyon juda yaxshi o‘ynamoqda. Uning hissasi katta.

Erlin Xoland yana o‘z vaziyatlaridan foydalandi. U ajoyib gol urdi. Biz uchun u aql bovar qilmaydigan qurol, Erling katta tahdid. Men juda mamnunman”, - dedi ispaniyalik mutaxassis.