"PSJ" hujumchisi Kilian Mbappe qishki transfer oynasida jamoani tark etmoqchi, deya xabar beradi Le Parisen.
Manbaga ko‘ra, 23 yoshli fransuz o‘zini xiyonatga uchragandek his qilmoqda, chunki yangi shartnoma imzolashdan oldin klubda unga berilgan va’dalarning aksariyati bajarilmagan.
Avvalroq Marca nashri parijliklar rahbariyati Mbappeni "Real"dan boshqa istalgan klubga qo‘yib yuborishga tayyorligi haqida xabar bergan edi.
Joriy mavsumda hujumchi "PSJ" safida 12 ta o‘yinda maydonga tushib, 11 ta gol urishga erishdi. Uning parijliklar bilan shartnomasi 2025 yilning iyunigacha mo‘ljallangan.
Transfermarkt portali futbolchini 160 million yevroga baholamoqda. Mbappe "PSJ"da 2017 yilning avgustidan buyon to‘p suradi.