"ПСЖ" ҳужумчиси Килиан Мбаппе қишки трансфер ойнасида жамоани тарк этмоқчи, дея хабар беради Le Parisen.
Манбага кўра, 23 ёшли француз ўзини хиёнатга учрагандек ҳис қилмоқда, чунки янги шартнома имзолашдан олдин клубда унга берилган ваъдаларнинг аксарияти бажарилмаган.
Аввалроқ Marca нашри парижликлар раҳбарияти Мбаппени "Реал"дан бошқа исталган клубга қўйиб юборишга тайёрлиги ҳақида хабар берган эди.
Жорий мавсумда ҳужумчи "ПСЖ" сафида 12 та ўйинда майдонга тушиб, 11 та гол уришга эришди. Унинг парижликлар билан шартномаси 2025 йилнинг июнигача мўлжалланган.
Transfermarkt портали футболчини 160 миллион еврога баҳоламоқда. Мбаппе "ПСЖ"да 2017 йилнинг августидан буён тўп суради.
