Chempionlar ligasi guruh bosqichining 4-tur uchrashuvida "PSJ" o‘z maydonida Lissabonning “Benfika” klubini mag‘lub eta olmadi. Uchrashuv 1:1 hisobida durang bilan yakunlandi. Parijliklar bosh murabbiyi Kristof Galtye ushbu natija borasida o‘z fikrlari bilan o‘rtoqlashdi.
“Ushbu o‘yinda har ikki jamoaning himoyasi hujumdan kuchliroq bo‘ldi. Bu safargi hujumimiz o‘z darajasini ko‘rsata olmadi va ko‘plab vaziyatlar yarata olmagani achinarli. Albatta, bizda yaxshi imkoniyatlar bo‘ldi, ammo mehmonlar himoyasi gol urishga bo‘lgan barcha urinishlarimizni zararsizlantirishga muvaffaq bo‘ldi", - deya xabar beradi UEFA matbuot xizmati.
To‘rt turdan so‘ng “PSJ” va “Benfika” hisobida sakkiztadan ochko bor. Parijliklar qo‘shimcha ko‘rsatkichlar bo‘yicha portugaliyaliklardan oldinda.
