Чемпионлар лигаси гуруҳ босқичининг 4-тур учрашувида "ПСЖ" ўз майдонида Лиссабоннинг “Бенфика” клубини мағлуб эта олмади. Учрашув 1:1 ҳисобида дуранг билан якунланди. Парижликлар бош мураббийи Кристоф Галтье ушбу натижа борасида ўз фикрлари билан ўртоқлашди.
“Ушбу ўйинда ҳар икки жамоанинг ҳимояси ҳужумдан кучлироқ бўлди. Бу сафарги ҳужумимиз ўз даражасини кўрсата олмади ва кўплаб вазиятлар ярата олмагани ачинарли. Албатта, бизда яхши имкониятлар бўлди, аммо меҳмонлар ҳимояси гол уришга бўлган барча уринишларимизни зарарсизлантиришга муваффақ бўлди", - дея хабар беради УEФА матбуот хизмати.
Тўрт турдан сўнг “ПСЖ” ва “Бенфика” ҳисобида саккизтадан очко бор. Парижликлар қўшимча кўрсаткичлар бўйича португалияликлардан олдинда.
