"PSJ" yolg‘on axborot siyosatida ayblanmoqda. Mediapart nashri xabariga ko‘ra, klub ijtimoiy tarmoqlarda “soxta akkauntlar armiyasi”ni yaratish uchun tashqi agentlikka buyurtma bergan.

Klubning maqsadi go‘yoki ba’zi ommaviy axborot vositalariga qarshi kurashish edi. Shuningdek, parijliklar shu tariqa o‘z klubining ayrim vakillariga bosim o‘tkazishga harakat qilishdi. Manbaga ko‘ra, bu hatto Kilian Mbappega ham qaratilgan.

Bir necha yil avval “Barselona”ning sobiq prezidenti Xosep Bartomeu ham xuddi shunday ayblovlarga duch kelgan edi.

"PSJ" seshanba kuni Chempionlar ligasi guruh bosqichining 4-turida "Benfika" bilan durang o‘ynadi (1:1).