“Inter” Chempionlar ligasining pley-off bosqichiga chiqishga yaqin turibdi.

Bugun Simone Indzagi shogirdlari guruh bosqichining 4-turida “Barselona” bilan durang o‘ynadi – 3:3. Bu o‘yindan keyin milanliklar 7 ochko bilan C guruhida 2-o‘rinda, kataloniyaliklar 4 ochko bilan uchinchi o‘rinda bormoqda.

5-turda “Inter” “Viktoriya Plzen"ni qabul qiladi. G‘alaba qozongan taqdirda Italiya jamoasi 10 ochko jamg‘aradi va turnirning 1/8 finaliga yo‘l olishini kafolatlaydi - "Barsa" undan oldinga o‘ta olmaydi. Guruh bosqichi yakunida to‘plangan ochkolar bo‘yicha ispanlar “neradzurrilarga”ga yetib olishlari mumkin, ammo o‘zaro hisob-kitoblar tufayli turnir jadvalida pastroq o‘rinni egallaydi. Eslatib o‘tamiz, 3-turda "Inter" "Barselona"ni 1:0 hisobida mag‘lub etgandi.

“Inter” 26 oktyabr kuni “Viktoriya” bilan bahs olib boradi. Shu kuni “Barsa” guruh bosqichining 4-turidan so‘ng pley-off yo‘llanmasini qo‘lga kiritgan “Bavariya” bilan to‘qnash keladi.