“Интер” Чемпионлар лигасининг плей-офф босқичига чиқишга яқин турибди.

Бугун Симоне Индзаги шогирдлари гуруҳ босқичининг 4-турида “Барселона” билан дуранг ўйнади – 3:3. Бу ўйиндан кейин миланликлар 7 очко билан C гуруҳида 2-ўринда, каталонияликлар 4 очко билан учинчи ўринда бормоқда.

5-турда “Интер” “Виктория Пльзень"ни қабул қилади. Ғалаба қозонган тақдирда Италия жамоаси 10 очко жамғаради ва турнирнинг 1/8 финалига йўл олишини кафолатлайди - "Барса" ундан олдинга ўта олмайди. Гуруҳ босқичи якунида тўпланган очколар бўйича испанлар “нерадзурриларга”га етиб олишлари мумкин, аммо ўзаро ҳисоб-китоблар туфайли турнир жадвалида пастроқ ўринни эгаллайди. Эслатиб ўтамиз, 3-турда "Интер" "Барселона"ни 1:0 ҳисобида мағлуб этганди.

“Интер” 26 октябрь куни “Виктория” билан баҳс олиб боради. Шу куни “Барса” гуруҳ босқичининг 4-туридан сўнг плей-офф йўлланмасини қўлга киритган “Бавария” билан тўқнаш келади.