Krishtianu Ronaldu faoliyatini Turkiya chempionatida davom ettirishi mumkin.

Fotomaç nashri xabariga ko‘ra, Turkiyaning «Galatasaroy» klubi «Manchester Yunayted»ning 37 yoshli forvardini o‘z safiga qo‘shib olish imkoniyatlarini ko‘rib chiqmoqda. Turklar Ronaldu transferi bo‘yicha qishda taklif jo‘natmoqchi. Ma’lum qilinishicha, hozirgi paytda bu klub portugaliyalikning maoshini to‘lashga tayyor bo‘lgan kam sonlik jamoalardan biri bo‘lib turibdi. Qayd etilishicha, turk klubi yozda ham Ronalduga taklif yuborgan, ammo Krishtianuning agenti 37 yoshli yulduz Chempionlar ligasida ishtirok etadigan klubda o‘ynamoqchi ekanini ma’lum qilgan. Shunga qaramay, «Galatasaroy» qishda Ronalduni taklif etmoqchi. Avvalroq, Ronaldu yanvar oyidagi transfer oynasida «MYU»ni tark etishni rejalashtirayotgani haqida xabar qilingan edi.