"Real" yarim himoyachisi Luka Modrich "El-Klasiko" haqidagi eng yaxshi xotirasi bilan o‘rtoqlashdi.
“Qaymoqranglilar”ning “Barselona” bilan navbatdagi uchrashuvi 16 oktyabr kuni bo‘lib o‘tadi.
"Barselona" bilan to‘qnashuvlardagi eng yaxshi xotiram Serxio Ramosning 2013 yildagi goli bo‘lgan. Men burchakdan to‘pni o‘yinga kiritdim va u boshi bilan raqib darvozasini ishg‘ol etdi hamda biz shu tariqa "Bernabeu"da g‘alaba qozongandik. Jamoadoshlarim men uchun juda xursand bo‘lishgandi”, - deydi 37 yoshli xorvatiyalik futbolchi.
O‘sha o‘yinda “Real” 2:1 hisobida g‘alaba qozongan bo‘lsa-da, mavsum oxirida kataloniyaliklardan 15 ochko ortda qolgan holda ikkinchi o‘rinni egallagandi.
Madridliklar ayni damda La Ligada ikkinchi o‘rinda, faqat to‘plar nisbati bo‘yicha "Barselona"dan ortda bormoqda. Sakkiz turdan keyin har ikki jamoa hisobida 22 ochko bor.
