“Manchester Yunayted” darvozaboni David de Xea Yevropa ligasi guruh bosqichi 4-turidan o‘rin olgan “Omoniya”ga (1:0) qarshi o‘yindan so‘ng, raqib darvozaboni Frensis Uzoxoning o‘yini haqidagi fikrlari bilan o‘rtoqlashdi.
Ispaniyalik posbon hamkasbini maqtab, u ko‘plab ajoyib seyvlarni amalga oshira olganini ta’kidladi.
“Menimcha, u ajoyib o‘ynadi. U 8-10 ta ajoyib seyv amalga oshirdi, ammo yakunda biz gol urdik. Albatta, u juda yaxshi o‘yin o‘tkazdi", - dedi de Xea UYEFA rasmiy saytiga.
Ushbu g‘alabadan so‘ng "mankunianliklar"to‘qqiz ochko jamg‘arib, "E" guruhi turnir jadvalida ikkinchi o‘rinda joylashgan bo‘lib, Ispaniyaning "Real Sosyedad" klubidan 3 ochko ortda qolmoqda.
