“Манчестер Юнайтед” дарвозабони Давид де Хеа Европа лигаси гуруҳ босқичи 4-туридан ўрин олган “Омония”га (1:0) қарши ўйиндан сўнг, рақиб дарвозабони Фрэнсис Узохонинг ўйини ҳақидаги фикрлари билан ўртоқлашди.

Испаниялик посбон ҳамкасбини мақтаб, у кўплаб ажойиб сейвларни амалга ошира олганини таъкидлади.

“Менимча, у ажойиб ўйнади. У 8-10 та ажойиб сейв амалга оширди, аммо якунда биз гол урдик. Албатта, у жуда яхши ўйин ўтказди", - деди де Хеа УЕФА расмий сайтига.

Ушбу ғалабадан сўнг "манкунианликлар"тўққиз очко жамғариб, "Е" гуруҳи турнир жадвалида иккинчи ўринда жойлашган бўлиб, Испаниянинг "Реал Сосьедад" клубидан 3 очко ортда қолмоқда.