“Manchester Yunayted” hujumchisi Krishtianu Ronaldu Yevropa ligasi guruh bosqichida Kiprning "Omoniya" ustidan qozonilgan g‘alabadan so‘ng (1:0) ijtimoiy tarmoqlarda post qoldirdi.
"Biz oxirigacha ishonamiz" - deb yozdi 37 yoshli portugaliyalik to‘purar o‘z postida.
Eslatib o‘tamiz, "qizil iblislar" 1:0 hisobidagi minimal g‘alabani tantana qilishdi. Yarim himoyachi Skott Maktominay qo‘shib berilgan vaqtda kiritilgan yagona golga mualliflik qildi.
To‘rt turdan so‘ng “Manchester Yunayted” 9 ochko jamg‘arib, turnir jadvalida ikkinchi o‘rinda bormoqda. Inglizlar peshqadam “Real Sosyedad”dan 3 ochko ortda qolmoqda.
