Premyer-liganing 11-turi doirasida bo‘lib o‘tadigan "Liverpul" va "Manchester Siti" o‘rtasidagi uchrashuv nafaqat o‘tgan mavsumda chempionlikka da’vogar bo‘lgan ikki jamoani o‘zaro to‘qnashtiribgina qolmay, balki himoyachi Virjil van Deykning "Enfild"dagi 68 o‘yinlik mag‘lubiyatsiz seriyasini davom ettiradimi yoki yo‘qmi, degan savolga oydinlik kiritib beradi.

31 yoshli van Deyk 2018 yilning yanvarida "Liverpul" safiga kelib qo‘shilgan edi. O‘shandan beri u jamoa safida "Enfild"da 68 ta Premyer-liga o‘yinida maydonga tushgan va biror marta ham mag‘lub bo‘lmagan (57 g‘alaba, 11 durang).