Премьер-лиганинг 11-тури доирасида бўлиб ўтадиган "Ливерпуль" ва "Манчестер Сити" ўртасидаги учрашув нафақат ўтган мавсумда чемпионликка даъвогар бўлган икки жамоани ўзаро тўқнаштирибгина қолмай, балки ҳимоячи Виржил ван Дейкнинг "Энфилд"даги 68 ўйинлик мағлубиятсиз сериясини давом эттирадими ёки йўқми, деган саволга ойдинлик киритиб беради.

31 ёшли ван Дейк 2018 йилнинг январида "Ливерпуль" сафига келиб қўшилган эди. Ўшандан бери у жамоа сафида "Энфилд"да 68 та Премьер-лига ўйинида майдонга тушган ва бирор марта ҳам мағлуб бўлмаган (57 ғалаба, 11 дуранг).