"Barselona" Chempionlar ligasidan chiqib ketish arafasida ekan, ba’zi o‘yinchilar Chempionlar ligasidagi so‘nggi o‘yinini kataloniyaliklar tarkibida o‘tkazgan bo‘lishi mumkin.

Keling shunday futbolchilar bilan tanishib chiqamiz.

Jerar Pike. Himoyachi "Inter"ga qarshi "Barsa"ning eng zaif nuqtasi edi. Kunde qaytgan bo‘lsa, Xavi uni keyingi ikki o‘yinda katta ehtimol bilan asosiy tarkibga kiritmasa kerak. U keyingi yil jamoadan ketishi kutilmoqda.

Markos Alonso. Chap qanot himoyachisi o‘sha "Inter"ga qarshi o‘yinda almashtirilguniga qadar ishonchsiz harakat qildi. Uning shartnomasi kelasi yozda tugaydi.

Serxio Buskets. Agar Xavi ko‘pchilik muxlislarni tinglasa, Buskets endi Chempionlar ligasida o‘ynamaydi. U tezlikda maydon markazidagi hal qiluvchi kurashlarda raqibga imkoniyatni berib qo‘ymoqda.

Jordi Alba. "Inter"ga qarshi o‘yinda chap qanot himoyachisi tarkibga ham kiritilmadi. Katta ehtimol bilan Jordi ham "ko‘k-anorranglilar" safidagi so‘nggi mavsumini o‘tkazmoqda.

Serxi Roberto. Kundening qaytishi Xavi endi o‘ng qanotda Roberto bilan tavakkal qilmasligini anglatadi.

Memfis Depay. Jarohat sabab niderlandiyalik futbolchi "Barselona uchun Chempionlar ligasida boshqa o‘ynay olmaydi. U ham kelasi mavsum jamoani tekinga tark etish ehtimolini hisobga olsak, kataloniyaliklar uchun allaqachon YECHLda so‘nggi o‘yinini o‘tkazgan.