“Atalanta” klubining ukrainalik yarim himoyachisi Ruslan Malinovskiy Italiya klubidagi muammolari haqida gapirdi.

"Shartnomam 2024 yilning yoziga qadar amal qiladi. Gasperini bilan hech qachon mojaro bo‘lmagan. Hatto transfer oynasi tugaguniga qadar u bilan gaplashgandim, u menga yaxshiroq variant bo‘lsa xursand bo‘lishini aytdi. Men har doim yarim himoyachi, "Atalanta"da - hujumchi sifatida o‘ynaganman. Gasperin bu pozisiyada nimani xohlashini bilaman. Gasperini ochig‘ini aytadiki, bu pozisiyada unga biroz boshqacha rejadagi futbolchi kerak. U meni yomon deb aytmaydi. U meni "Atalanta" uchun juda ko‘p ish qilganimni aytdi" , lekin bu pozisiyada u endi boshqa o‘yinchini xohlaydi", dedi Malinovskiy.

Avvalroq ukrainalik futbolchi "Tottenxem", "Marsel" va "Nottingem Forest" klublari manfaati doirasida ekani xabar qilingandi.

29 yoshli Malinovski joriy mavsumda “Atalanta” safida 9 ta o‘yinda maydonga tushib, 1 ta gol urdi va bitta golli uzatmani amalga oshirdi.