"Manchester Siti" yarim himoyachisi Fil Foden jamoa bilan yangi shartnoma imzolangani haqida gapirdi.
Eslatib o‘tamiz, kecha u "shaharliklar" bilan shartnomasini 2027 yilgacha uzaytirdi.
“Shartnomani uzaytirganimdan juda xursandman. Men bolaligimdan “Manchester Siti”da o‘ynashni orzu qilardim, shu bois bu orzum amalga oshgani uchun taqdirdan juda minnatdorman. Bu yerda yana ko‘p yillar o‘tkazishga umid qilaman. Muxlislarga qo‘llab-quvvatlaganlari uchun rahmat!" — deb post qoldirdi angliyalik futbolchi ijtimoiy tarmoqlarda.
22 yoshli futbolchi “shaharliklar” tarbiyalanuvchisi hisoblanadi. U 2017 yilning noyabr oyida "Manchester Siti"ning asosiy jamoasi safida ilk bor maydonga tushgan. O‘shandan beri Fil o‘z jamoasi safida 52 ta gol va 36 ta golli uzatmani amalga oshirgan.
