"Aston Villa" bosh murabbiyi Stiven Jerrard APLning 11-tur doirasidagi "Chelsi"ga qarshi bo‘lib o‘tadigan o‘yindan oldingi fikrlari bilan o‘rtoqlashdi.
“Ular juda yaxshi futbolchilarni jalb qilishdi. So‘nggi paytlarda ularda bosh murabbiy o‘zgardi va hozir ular juda yaxshi oy o‘tkazayotganga o‘xshaydi. Hammasi shuni ko‘rsatadiki, ular o‘yinning favoritlari, ammo biz "Villa Park"da o‘ynaymiz ”, - dedi Jerrard Birmingham Mail bilan suhbatda.
Shuningdek, “sherlar” jamoasi Premyer-liganing oldingi ikki turida g‘alaba qozona olmaganidan hafsalasi pir bo‘lganini va bundan unumli foydalanmoqchi ekanligini ham qo‘shimcha qildi. Jerrard "Chelsi"ga qarshi o‘yinda jamoa bor kuchini ishga solishini va imkon qadar tajovuzkor bo‘lishni xohlayotganini aytdi.
“Aston Villa” – “Chelsi” uchrashuvi 16 oktyabr, yakshanba kuni bo‘lib o‘tadi. Uchrashuv Toshkent vaqti bilan 18:00 da boshlanadi. Ayni damda “sherlar” Premyer-ligada 9 ochko bilan 16-o‘rinda, “aristokratlar” esa 16 ochko bilan 4-o‘rinda bormoqda.
