Yakshanba kuni “Santyago Bernabeu”da 2022/23 yilgi mavsumning ilk klasikosi bo‘lib o‘tadi. Messi va Ronaldu ketganidan so‘ng ikkala jamoa ham jiddiy yangilangani va murabbiylar o‘zlarining o‘yin falsafasini qurib olishganligi sababli, "Real" va "Barsa" o‘rtasidagi ushbu uchrashuv so‘nggi yillardagi eng qiziqarli uchrashuv bo‘lishini va’da qilmoqda.

Qiziqarli faktlar uchun o‘tmishga sho‘ng‘ish har doim qiziq, bugun biz "Klasiko"dagi gollarning 25 foizini Lotin Amerikasi futbolchilari urganini aniqladik. Bu barcha xorijlik o‘yinchilarning eng yuqori nisbati. Bu yerlik yigitlar jami 823 ta goldan 212 tasini kiritishgan.

E’tiboringizga Lotin Amerikasining eng yaxshi to‘purarlarini taqdim etamiz:

1. Lionel Messi - 26 gol (Argentina)

2. Alfredo di Stefano - 18 ta gol (Argentina, Ispaniya)

3. Luis Suares - 11 gol (Urugvay)

4. Ivan Zamorano - 8 gol (Chili)

5. Eilogio Martines - 8 ta gol (Paragvay)

Hozir jamoalarning har birida Lotin Amerikasidan yakshanba kuni o‘zgarishlarni amalga oshira oladigan futbolchilar ham bor. "Barsa" uchun bu Rafinya, "Real" uchun Vinisius, Rodrigo va Valverde.

Eslatib o‘tamiz, Vinisius rasmiy Klasikoda gol urgan eng yosh futbolchi hisoblanadi. U buni 19 yoshu 233 kunda amalga oshirib, Messining rekordini yangiladi (19 yoshu 259 kun). Braziliyalik kelajakdagi bu qarama-qarshilikda eng yaxshi to‘purar unvoniga yaqqol davogar. Sizningcha, u buni qila oladimi?