Futbol bo‘yicha 2026 yilgi Jahon chempionatining 1/16 finalidan o‘rin olgan AQSH va Bosniya va Gersegovina terma jamoalari o‘rtasidagi uchrashuv yakunlandi. Mazkur bahs amerikaliklarning 2:0 hisobidagi g‘alabasi bilan tugadi.

AQSH — Bosniya va Gersegovina — 2:0

Gollar: 1:0 Balogun – 45', 2:0 Tillman – 82'

Chetlatishlar: Balogun – 64'

Uchrashuvning 45-daqiqasida amerikaliklar hujumchisi Folarin Balogun hisobni ochdi. Ikkinchi bo‘lim o‘rtalarida hujumchi qo‘pol foli uchun maydondan chetlatildi. 80-daqiqada AQSH yarim himoyachisi Malik Tillman jarima zarbasidan unumli foydalanib, bosniyaliklar darvozasini ishg‘ol qildi va yakuniy hisobni o‘rnatdi.

Bundan tashqari, o‘yin davomida Balogun va jamoa sardori Kristian Pulishich tomonidan kiritilgan ikkita gol ofsayd tufayli bekor qilindi.

Eslatib o‘tamiz, AQSH Jahon chempionatining 1/8 finaliga yo‘l oldi va u yerda Belgiya terma jamoasi bilan kuch sinashadi. Uchrashuv 7 iyul kuni bo‘lib o‘tadi.