8 yillik tanaffusdan keyin «Xorazm» o‘z qadrdon arenasiga qaytdi. O‘tgan davrda uning raqiblari sun’iy maydonda to‘p surishiga to‘g‘ri keldi.
Xorazm futboli sekin-asta to‘g‘ri yo‘lga tushib borayotgani haqida ko‘p aytdik. Biroq bu viloyat futbolida ishlash umuman oson emas, rahbariyatda millionlar o‘yiniga qiziqish yuqori emas, shundan kelib chiqib mablag‘ masalasida ham yetarlicha muammolar bor. Hozircha 1-2 kadrning borligi umid beradi, agar shuni ham yo‘qotib qo‘yishmasa.
Biz hozircha «Xorazm» futbol klubi rahbari Maqsud Karimovni O‘zPFL Ijroqo‘mi a’zoligiga qabul qilganmiz. Viloyatning birorta jamoasi futzal chempionatida ishtirok etmayotgan bo‘lsa-da, Oliy liganing 2-turini aynan Xorazmga berdik. Asosiy jamoa Pro ligada kutilganidan ancha yaxshi ishtirok etyapti. Qolgani viloyatning o‘ziga bog‘liq. Biz viloyatga katta futbol nafasi qaytayotganidan xursandmiz va o‘z navbatida yetarlicha xavotirlarimiz ham bor.
Diyor Imomxo‘jayev
