8 йиллик танаффусдан кейин «Хоразм» ўз қадрдон аренасига қайтди. Ўтган даврда унинг рақиблари сунъий майдонда тўп суришига тўғри келди.

Хоразм футболи секин-аста тўғри йўлга тушиб бораётгани ҳақида кўп айтдик. Бироқ бу вилоят футболида ишлаш умуман осон эмас, раҳбариятда миллионлар ўйинига қизиқиш юқори эмас, шундан келиб чиқиб маблағ масаласида ҳам етарлича муаммолар бор. Ҳозирча 1-2 кадрнинг борлиги умид беради, агар шуни ҳам йўқотиб қўйишмаса.

Биз ҳозирча «Хоразм» футбол клуби раҳбари Мақсуд Каримовни ЎзПФЛ Ижроқўми аъзолигига қабул қилганмиз. Вилоятнинг бирорта жамоаси футзал чемпионатида иштирок этмаётган бўлса-да, Олий лиганинг 2-турини айнан Хоразмга бердик. Асосий жамоа Про лигада кутилганидан анча яхши иштирок этяпти. Қолгани вилоятнинг ўзига боғлиқ. Биз вилоятга катта футбол нафаси қайтаётганидан хурсандмиз ва ўз навбатида етарлича хавотирларимиз ҳам бор.

Диёр Имомхўжаев