Madridning “Real” klubi darvozaboni Tibo Kurtua jarohatidan tiklanishni davom ettirmoqda. “Qaymoqranglilar” matbuot xizmati xabariga ko‘ra, 30 yoshli belgiyalik futbolchi individual dastur bo‘yicha shug‘ullangan.
Darvozabon belidan olgan jarohati tufayli so‘nggi beshta o‘yinda ishtirok etmadi. Biroq, COPE xabariga ko‘ra, Kurtua jamoaning umumiy guruhida ishlashga tayyor.
Bundan tashqari, AS xabariga ko‘ra, darvozabon 19 oktyabr kuni Ispaniya chempionatining navbatdagi turida "Elche"ga qarshi o‘yinda maydonga qaytishni kutilmoqda. Madridning “Real” klubi Kurtuaning 22 oktyabr kuni bo‘lib o‘tadigan “Sevilya”ga qarshi La Liga bahsiga to‘liq tayyor bo‘lishini istamoqda.
Eslatib o‘tamiz, ispan klubi darvozasini belgiyalik o‘rniga ukrainalik Andrey Lunin qo‘riqlamoqda.
