Superliga 22-turidan o‘rin olgan “Lokomotiv” – “Olimpik” (1:2) uchrashuvidan so‘ng mezbon jamoa bosh murabbiyi Server Jeparov shogirdlari ruhiy bosim ostida qolayotgani, ularni keyingi o‘yinlarga qanday tayyorlashini va Jerom Etamening imkoniyatlari haqida gapirdi.

“Jismoniy holatimiz yaxshi emas va bu ikkinchi bo‘limda bilinib qoldi. Birinchi bo‘limni yaxshi o‘tkazdik, ammo, ikkinchi bo‘limda charchab qolayapmiz. Qolaversa, futbolchilarda faqat yutishimiz kerak degan fikr paydo bo‘lgan va bu ruhan bosim o‘tkazayapti”, - deydi Jeparov.

“Aytganimdek, jismoniy holat borasida ishlashimiz kerak. Navbatdagi o‘yinlarda chempionlik uchun kurashayotgan jamoalarga qarshi o‘ynaymiz. Ularga qarshi ruhan tayyorlay olish mumkin, ammo jismonan bizga qiyin bo‘layapti”.

“Agar Jerome Etame o‘z vaziyatlarining hammasidan foydalanganida bu chempionatda o‘ynamagan bo‘lar edi. U hujumni boshlash, vaziyat yaratish, tezlik kabi jihatlarda eng yaxshilardan biri, ammo vaziyatlarni yakunlay olmaydi. Bori shu”