"Arsenal" futbolchisi Bukayo Saka mavsumni yaxshi o‘tkazmoqda. Yarim himoyachi 13 ta o‘yinda 5 ta gol urdi va sheriklariga 4 ta golli uzatmani yetkazib berdi. Amaldagi shartnoma futbolchini "kanonirlar" bilan 2024 yilning o‘rtalariga qadar bog‘laydi va klub Saka bilan imkon qadar tezroq uzoq muddatli shartnoma imzolamoqchi. Bu fonda boshqa klublar vaziyatni kuzatib borishmoqda.
Football London nashri xabariga ko‘ra, "Chelsi" xo‘jayini Todd Boeli "Arsenal"dan Bukayo Sakani olib kelmoqchi. Amerikalik biznesmen 21 yoshli yarim himoyachiga katta miqdorda pul tikmoqchi, deya ta’kidlaydi manba.
