“Lion” yarim himoyachisi Korentin Tolisso Fransiya chempionatining 11-turidan o‘rin olgan “Renn”ga qarshi o‘yinda (2:3) jarohat oldi. Bu haqda futbolchi tvitterdagi sahifasida malum qildi.
“Afsuski, yana jarohat oldim. Lekin men taslim bo‘lmayman. Bu sportning qonuni! Men imkon qadar tezroq qaytish va yana 100 foiz tayyor bo‘lish uchun ko‘p mehnat qilishda davom etaman!” Tolisso yozgan.
28 yoshli fransiyalik futbolchi sonini jarohatlab, ko‘zlarida yosh bilan maydonni tark etdi. Futbolchining chap sonida jarohat borligi aniqlangan, shu sababli u bir necha oy, jumladan JCH-2022ni o‘tkazib yuboradi. Fransiya terma jamoasi jahon chempionatining amaldagi g‘olibi hisoblanadi.
O‘tgan yozda Tolisso "Bavariya"dagi besh yillik faoliyatidan so‘ng erkin agentga aylandi va o‘zi tarbiyalanuvchisi bo‘lgan "Lion" bilan shartnoma imzolab, Fransiyaga qaytdi.
