“Milan” himoyachisi Teo Ernandesning uyi talon-taroj qilindi. Bu haqda La Gazette Dello Sport xabar bermoqda.
Manbaga ko‘ra, 18 oktyabr kuni kechqurun qora kombinezondagi to‘rt nafar qurolli bosqinchi futbolchining Kassano Manyagodagi villasiga bostirib kirgan.
Qayd etilishicha, bu vaqtda Ernandes uyda bo‘lmagan, lekin villada uning sevgilisi Zoi Kristofoli va uning olti oylik o‘g‘li bo‘lgan. Qaroqchilar 1 million yevrolik taqinchoqlarni o‘g‘irlab ketishgan. Polisiya hozirda videokuzatuv kameralari tasvirlarini tekshirmoqda.
25 yoshli fransiyalik futbolchi 2019 yilning iyul oyida "Milan"ga kelib qo‘shilgandi. Italyan klubi tarkibida u 134 o‘yin o‘tkazib, 21 gol urgan va 25 golga assistentlik qilgan.
