"Tottenxem" bosh murabbiyi Antonio Konte "Manchester Yunayted"ni yirtqich deb atadi.

"Manchester Yunayted" har doim jang qilish uchun yirtqich bo‘lib qoladi. Bu jamoa iqtisodiy nuqtai nazardan katta salohiyatga ega.

Bugun bizni yana bir muhim uchrashuv kutib turibdi. O‘ylaymanki, biz o‘tgan mavsumga nisbatan ko‘p jihatdan yaxshilandik. Ammo "Yunayted"ga qarshi o‘yinlar har doim qiyin, ayniqsa "Old Trafford"da. Shu bilan birga, men hozir bu sinovdan o‘tishimizni yoqtiraman. Biz ambisiyalarimiz nima ekanligini juda yaxshi tushunishimiz va yaxshi natijalarga erishishga harakat qilishimiz kerak.

"Old Trafford"da o‘ynash oson emas. Bu “Manchester Yunayted”ning raqibi uchun eng yaxshi joy emas. Ajoyib atmosfera bor, bu katta teatr. U yerda xarakter bilan o‘ynash, o‘z futbolingni, g‘oyalaringni ko‘rsatish kerak.

10 yil oldingi bilan solishtirganda, hozir "Yunayted" yomon davrni o‘tkazmoqda. Ammo atigi ikki yil oldin «Manchester Yunayted» APLda g‘alaba qozonish uchun kurashayotgan edi va «Manchester Siti»dan keyin ikkinchi o‘rinni egallagandi - buni unutmang.

Gap har doim kuchli to‘rttalikka kiradigan, Chempionlar ligasida o‘ynaydigan va jiddiy xatolarga yo‘l qo‘ymasa, sovrinlar uchun kurashadigan jamoa haqida ketmoqda.

Men jamoam xarakter ko‘rsatishini va u yerda uch ochko olish istagini ko‘rsatishini istayman. O‘ylaymanki, bu biz uchun yaxshi qadam bo‘ladi”, - dedi Konte.

Bugun tunda "Tottenxem" "Manchester Yunayted" bilan uchrashadi, o‘yin Toshkent vaqti bilan 00:15da boshlanadi.