Superliga 22-turidan o‘rin olgan “Bunyodkor” – AGMK (0:1) o‘yinidan so‘ng mezbon jamoa bosh murabbiyi Ivan Boshkovich raqibning kuchli tomonlari, akademiya tarbiyalanuvchilari va maydon chimi borasida fikr bildirdi.

“Raqib bugun o‘yinchilarimizni yaxshi qo‘riqladi. Bo‘sh xududlar ochilishiga imkon bermadi va haqli g‘alabaga erishdi”, - deydi murabbiy.

“Pobulich olti oydan beri o‘ynamadi va uning jismoniy holati yaxshi emas. Kim aytdi akademiyamizda yaxshi hujumchilar yo‘q deb? Mana, Sudaysi Jo‘raboyev bugun debyut qildi. Avvalgi o‘yinda Ulug‘bek Kenjayev zaxirada o‘tirdi. Imkon berayapmiz. Akademiyamizning katta qismi terma jamoalarda o‘ynashadi. Ularga ham imkon beriladi. Yosh va iqtidorlarimiz ko‘p. Barchaga o‘yin amaliyoti beriladi”.

“Maydon chimining o‘yinga ta’sir qilishi bor gap, ammo bu o‘yinimiz chiqmadi deyish uchun bahona bo‘la olmaydi. Balki maydon ideal holatda bo‘lmagan, o‘yinchilar kuchsiz o‘yinga bahona izlashgandir. Ammo, “Jar” stadioni o‘ylashimcha, bugungi kunda O‘zbekistondagi eng yaxshi stadionlardar biridir”.