Суперлига 22-туридан ўрин олган “Бунёдкор” – АГМК (0:1) ўйинидан сўнг мезбон жамоа бош мураббийи Иван Бошкович рақибнинг кучли томонлари, академия тарбияланувчилари ва майдон чими борасида фикр билдирди.
“Рақиб бугун ўйинчиларимизни яхши қўриқлади. Бўш худудлар очилишига имкон бермади ва ҳақли ғалабага эришди”, - дейди мураббий.
“Побулич олти ойдан бери ўйнамади ва унинг жисмоний ҳолати яхши эмас. Ким айтди академиямизда яхши ҳужумчилар йўқ деб? Мана, Судайси Жўрабоев бугун дебют қилди. Аввалги ўйинда Улуғбек Кенжаев захирада ўтирди. Имкон бераяпмиз. Академиямизнинг катта қисми терма жамоаларда ўйнашади. Уларга ҳам имкон берилади. Ёш ва иқтидорларимиз кўп. Барчага ўйин амалиёти берилади”.
“Майдон чимининг ўйинга таъсир қилиши бор гап, аммо бу ўйинимиз чиқмади дейиш учун баҳона бўла олмайди. Балки майдон идеал ҳолатда бўлмаган, ўйинчилар кучсиз ўйинга баҳона излашгандир. Аммо, “Жар” стадиони ўйлашимча, бугунги кунда Ўзбекистондаги энг яхши стадионлардар биридир”.
