"Napoli"ning gruziyalik futbolchisi Xvicha Kvarasxeliya "Liverpul" yoki "Manchester Siti" futbolchisiga aylanishi mumkin, deb xabar beradi Calciomercato.

Qayd etilishicha, ingliz klublari Italiya jamoasi vingerining o‘yini va rivojlanishini diqqat bilan kuzatib bormoqda. "Napoli" gruziyalik futbolchiga qiziqishni kamaytirish maqsadida Kvarasxeliya bilan shartnomani uzaytirmoqchi.

Kvarasxeliya joriy mavsumda barcha turnirlarda 14 ta o‘yinda maydonga tushib, 7 ta gol urdi va 6 ta golli uzatmani amalga oshirdi.