"Yuventus" bosh murabbiyi Massimiliano Allegri Italiya chempionati doirasidagi "Empoli"ga qarshi o‘yindan oldingi fikrlari bilan o‘rtoqlashdi.
"Empoli"ga qarshi o‘yin oson bo‘lmaydi, ular o‘tgan mavsumda Turinda bizni mag‘lub etishdi. "Empoli" - tezkor, texnik va jismoniy jihatdan kuchli jamoa. G‘alaba qozonish uchun yuqori saviyada bo‘lishimiz kerak. Agar biz ularni osonlikcha mag‘lub eta olamiz deb o‘ylasak, yomon bo‘ladi", - dedi Allegri matbuot anjumanida.
“Yuventus” bugun “Empoli”ni qabul qiladi. Turindagi uchrashuv Toshkent vaqti bilan 23:45 da boshlanadi.
Ayni damda “Yuventus” Italiya chempionati turnir jadvalida sakkizinchi o‘rinni egallab turibdi.