"Liverpul" bosh murabbiyi Yurgen Klopp Stiven Jerrardning "Aston Villa" bosh murabbiyligidan iste’foga chiqarilishi haqida gapirdi.

“Mening Stiven bilan yaqin munosabatim bor. U bilan ishdan bo‘shatilgani haqida biroz suhbatlashdik, fikr almashdik. Uning shuhratparastligini hisobga olsak, u qanchalik hafsalasi pir bo‘lganini tasavvur qila olaman. Lekin biz Stivi haqida qayg‘urmasligimiz kerak. U tushunadiki, bu narsalar futbolda bo‘ladi. Bizga har doim turli tomondan zarba berishadi, lekin muhimi, ularga qanday munosabatda bo‘lishimiz. Ko‘plab buyuk murabbiylar jamoalarni tark etishdi. Bu turli sabablarga ko‘ra sodir bo‘ldi. Hatto eng yaxshilari ham tez-tez klublarini almashtirib, keyin muvaffaqiyatga erishdilar. Umid qilamanki, endi Jerrard dam olishga vaqt ajratadi. Futbolchilik faoliyatini yakunlaganidan so‘ng, u deyarli doimo ishladi", - deya Klopp so‘zlarini keltiradi Sky Sports.

Eslatib o‘tamiz, Jerrardning iste’foga chiqishiga "Aston Villa"ning muvaffaqiyatsiz o‘yinlari sabab bo‘lgan. 11 o‘yinda klub 9 ochko jamg‘argan va Premyer-liga turnir jadvalida atigi 17-o‘rinda bormoqda.