"Ливерпуль" бош мураббийи Юрген Клопп Стивен Жеррарднинг "Астон Вилла" бош мураббийлигидан истеъфога чиқарилиши ҳақида гапирди.
“Менинг Стивен билан яқин муносабатим бор. У билан ишдан бўшатилгани ҳақида бироз суҳбатлашдик, фикр алмашдик. Унинг шуҳратпарастлигини ҳисобга олсак, у қанчалик ҳафсаласи пир бўлганини тасаввур қила оламан. Лекин биз Стиви ҳақида қайғурмаслигимиз керак. У тушунадики, бу нарсалар футболда бўлади. Бизга ҳар доим турли томондан зарба беришади, лекин муҳими, уларга қандай муносабатда бўлишимиз. Кўплаб буюк мураббийлар жамоаларни тарк этишди. Бу турли сабабларга кўра содир бўлди. Ҳатто энг яхшилари ҳам тез-тез клубларини алмаштириб, кейин муваффақиятга эришдилар. Умид қиламанки, энди Жеррард дам олишга вақт ажратади. Футболчилик фаолиятини якунлаганидан сўнг, у деярли доимо ишлади", - дея Клопп сўзларини келтиради Sky Sports.
Эслатиб ўтамиз, Жеррарднинг истеъфога чиқишига "Астон Вилла"нинг муваффақиятсиз ўйинлари сабаб бўлган. 11 ўйинда клуб 9 очко жамғарган ва Премьер-лига турнир жадвалида атиги 17-ўринда бормоқда.