Madridning “Real” klubi va Fransiya terma jamoasi hujumchisi Karim Benzema “PSJ”ning sobiq yarim himoyachisi Jerom Rotenning tanqidlariga javob berdi.

Roten avvalroq Kilian Mbappeni Fransiya terma jamoasi yetakchisi sifatida ko‘rishni afzal ko‘rishini, chunki u Karimdan ko‘ra ko‘proq ishonch uyg‘otayotganini ta’kidlagan edi.

"Ko‘p gapirasiz. Chalg‘itmang”, — deb yozdi Benzema Instagramdagi hikoyasida “Oltin to‘p”ni qo‘lida ushlab turgan suratini ilova qilib.

Eslatib o‘tamiz, 34 yoshli Benzema o‘z faoliyatida ilk bor "Oltin to‘p"ni qo‘lga kiritdi. Forvard hakamlar hay’atining 94 a’zosidan 89 nafari tomonidan birinchi o‘rinni egalladi.