"Manchester Siti" va Norvegiya terma jamoasi hujumchisi Erling Xolandning agenti Rafael Pimenta norvegiyalik futbolchini milliard funtga sotish mumkinligi haqida fikr bildirdi.
“Erlingning potensial qiymati bir milliard funtni tashkil qiladi. Bu summaga uning futbol bahosi, imidjining narxi, shuningdek, homiylarning hissasi kiradi. O‘ylaymanki, Xoland milliard to‘langan birinchi futbolchi bo‘ladi", - deya Pimenta so‘zlarini keltiradi Sky Sports.
22 yoshli Xoland joriy mavsumda “Manchester Siti” safida 14 ta o‘yinda maydonga tushib, 20 ta gol urdi va 3 ta golga assistentlik qildi. Uning klub bilan shartnomasi 2027 yilning yoziga qadar mo‘ljallangan.
