"Манчестер Сити" ва Норвегия терма жамоаси ҳужумчиси Эрлинг Холанднинг агенти Рафаэл Пимента норвегиялик футболчини миллиард фунтга сотиш мумкинлиги ҳақида фикр билдирди.
“Эрлингнинг потенциал қиймати бир миллиард фунтни ташкил қилади. Бу суммага унинг футбол баҳоси, имиджининг нархи, шунингдек, ҳомийларнинг ҳиссаси киради. Ўйлайманки, Холанд миллиард тўланган биринчи футболчи бўлади", - дея Пимента сўзларини келтиради Sky Sports.
22 ёшли Холанд жорий мавсумда “Манчестер Сити” сафида 14 та ўйинда майдонга тушиб, 20 та гол урди ва 3 та голга ассистентлик қилди. Унинг клуб билан шартномаси 2027 йилнинг ёзига қадар мўлжалланган.
