Huquqlari "Vulverxempton"ga tegishli bo‘lgan portugaliyalik yarim himoyachi Ruben Nevesh Ispaniya chempionatiga o‘tishi mumkin. Mundo Deportivo xabariga ko‘ra, 25 yoshli futbolchini "Barselona"ga taklif qilishmoqda, u yerda yarim himoyada Serxio Buskets o‘rniga chaqiriladi.
Kelishuv qishki transfer oynasida yakunlanishi mumkin. Potensial o‘tish summasi 40 million yevroga baholanmoqda.
2022/2023 yilgi mavsumda Ruben "Vulverxempton" tarkibida 11 ta o‘yin o‘tkazib, ikkita gol urgan. Portugaliyalikning "bo‘rilar" bilan amaldagi mehnat shartnomasi 2024 yilning o‘rtalariga qadar mo‘ljallangan.