Ҳуқуқлари "Вулверхэмптон"га тегишли бўлган португалиялик ярим ҳимоячи Рубен Невеш Испания чемпионатига ўтиши мумкин. Mundo Deportivo хабарига кўра, 25 ёшли футболчини "Барселона"га таклиф қилишмоқда, у ерда ярим ҳимояда Серхио Бускетс ўрнига чақирилади.
Келишув қишки трансфер ойнасида якунланиши мумкин. Потенциал ўтиш суммаси 40 миллион еврога баҳоланмоқда.
2022/2023 йилги мавсумда Рубен "Вулверхэмптон" таркибида 11 та ўйин ўтказиб, иккита гол урган. Португалияликнинг "бўрилар" билан амалдаги меҳнат шартномаси 2024 йилнинг ўрталарига қадар мўлжалланган.