"Valensiya" bosh murabbiyi Jennaro Gattuzo hujumchi Edinson Kavanining holati haqida gapirdi.
“Men Edinsondan biroz xavotirdaman, shuning sabab u 90 daqiqa o‘ynamaydi. Uning to‘pig‘i shishib ketganda, biz darhol unga munosabat bildirishimiz kerak edi. O‘tgan kuni u maydonda yana 15-20 daqiqa o‘tkazishi mumkin edi, ammo Edinson o‘zini noqulay his qila boshladi va biz buni tavakkal qilmaslikka qaror qildik. U jamoa uchun muhim futbolchi. Ikki hafta oldin biz u gol ura olmaganidan xavotirda edik, endi esa u gol ura boshladi, biz ehtiyot bo‘lishimiz kerak", — dedi Gattuzo.
35 yoshli urugvaylik futbolchi joriy mavsumda “Valensiya” safida 5 ta o‘yinda maydonga tushib, 3 ta gol urdi va bitta golli uzatmani amalga oshirdi.