2007/08 yilgi mavsumda Karim Benzema 51 o‘yinda 31 ta gol urdi va "Lion"ga o‘z tarixidagi ilk oltin dublni qo‘lga kiritishda yordam berdi. Keyinchalik Karim Fransiya chempionatining eng yaxshi o‘yinchisi deb topildi, shuningdek, Krishtianu qo‘lga kiritgan "Oltin to‘p" uchun da’vogarlar ro‘yxatiga kiritildi.
O‘sha mavsumning aprel oyida "Barselona" sport direktori Chiki Begiristayn fransiyalik futbolchini o‘z safiga qo‘shib olish borasida muzokaralar olib borish uchun Lionga uchib ketdi. Bergistayn uzoq muzokaralardan so‘ng "Lion" bilan Karimni 30 million yevroga transfer qilish borasida kelishuvga erishdi, biroq...
Sport direktorining qat’iy ishonchiga qaramay, "Barselona" rahbariyatining boshqa a’zolari bu kelishuvga u qadar ishonch hosil qilishmadi. Ular Karimning Ispaniyadagi hayotga moslasha olishiga shubha qilishdi.
Katalon klubi rahbariyati Benzema huddi Nikolya Anelka "Real" safida o‘zini ko‘rsata olmaganidek "Barselona"da o‘yini chiqmasligiga ishonishdi
"Barsa" sport direktori Begiristayn esa biron bir taklif bildirishdan oldin Benzemaning o‘zi bilan tanishishga qaror qilgandi. Ushbu razvedka missiyasi to‘g‘ridan-to‘g‘ri Benzemaning Brondagi uyiga borishni talab qildi. U yerda Begiristayn Benzema ulg‘aygan joyni o‘z ko‘zi bilan ko‘rdi va transferdan bosh tortdi. Menejer Frank Raykard bilan yakuniy maslahatlashuvdan so‘ng "Lion"ga "Barselona" kelishuvdan voz kechayotganini aytdi.
Bir yildan sal ko‘proq vaqt o‘tgach, yana bir karvon (lekin bu safar Madriddan) Brondagi o‘sha kamtarona uyning eshigini taqqillatdi. Bu Madrid klubi prezidenti Florentino Peres edi...
